Մադրիդի «Ռեալը» սկսել է առանց կենտրոնական պաշտպան Դավիդ Ալաբայի նախապատրաստվել Չեմպիոնների լիգայի կիսաեզրափակիչի՝ «Մանչեսթեր Սիթիի» դեմ պատասխան հանդիպմանը՝ հայտնում է Marca-ն:
Թիմի վերջին մարզումը կայացել է կիրակի՝ Լա լիգայի չեմպիոնական տիտղոսը նվաճելու հաջորդ օրը: Ավստրիացի պաշտպանը բաց է թողել մարզումը:
Ալաբան «քաղաքաբնակների» դեմ առաջին խաղի 2-րդ կեսի մեկնարկից առաջ հարկադրված փոխարինվել է: Նրա մասնակցությունը պատասխան հանդիպմանը դեռևս հարցականի տակ է։
«Ռեալ» - «Մանչեսթեր Սիթի» պատասխան հանդիպումը կկայանա չորեքշաբթի՝ մայիսի 4-ին և կցուցադրվի «Վիվառո Սպորտ»-ի ուղիղ եթերում: