«Ֆլամենգոն» իր պաշտոնական կայքում հայտարարել է բրազիլացի պաշտպան Դավիդ Լուիսի հետ պայմանագիր ստորագրելու մասին: 34-ամյա ֆուտբոլիստի հետ համաձայնագիրն ուժի մեջ կլինի մինչև 2022 թվականի դեկտեմբեր:
Լուիսն «Արսենալից» հեռանալուց հետո ազատ գործակալի կարգավիճակով է միացել բրազիլական ակումբին: Պաշտպանն Անգլիայի Պրեմիեր լիգայի նախորդ առաջնությունում մասնակցել է 30 խաղի, դարձել 2 գոլի հեղինակ: Լոնդոնյան ակումբը ֆուտբոլիստին նոր պայմանագիր չէր առաջարկել:
Լուիսը, «Արսենալից» զատ, ելույթ է ունեցել նաև «Վիտորիայում», «Բենֆիկայում», ՊՍԺ-ում ու «Չելսիում»: Բրազիլիայի ազգային հավաքականում անցկացրել է 57 մրցավեճ, խփել 3 գոլ: Ամռան ընթացքում հաղորդվել էր նրա նկատմամբ «Ադանա Դեմիրսփորի», «Բենֆիկայի», «Մարսելի» և «Ինտեր Մայամիի» կողմից հետաքրքրության մասին:
«Լեսթերի» ֆուտբոլիստը՝ «Ռեալ» հավանական տեղափոխության մասին. «Դա իմ երազանքն է»