«Լացիոյի» սպորտային տնօրեն Տարե Իգլին հայտարարել է, որ չի հարգում իսպանացի կիսապաշտպան Դավիդ Սիլվային, որը վերջին պահին որոշել է տեղափոխվել «Ռեալ Սոսյեդադ»։
Սիլվան արդեն համաձայնացրել էր 3 տարվա պայմանագիրը «արծիվների» հետ ու պետք է մեկներ Հռոմ՝ բուժզննում անցնելու։ Սակայն վերջին պահին գործին է խառնվել իսպանական թիմը, որի հետ ֆուտբոլիստը կնքել է 2 տարվա համաձայնագիր։
«Ես գիտեմ Դավիդ Սիլվայի տրանսֆերի մասին «Ռեալ Սոսյեդադ»։ Նրան շատ հարգում եմ որպես ֆուտբոլիստ, բայց ոչ որպես տղամարդ»,-ասել է Իգլին ակումբի մամուլի ծառայությանը։