Իսրայելի Էյլաթ քաղաքում արդեն մեկնարկել է ծանրամարտի մինչև 20 ու 23 տարեկանների Եվրոպայի առաջնությունը: Այս մրցաշարում Հայաստանը ներկայացնում է 13 ծանրորդ:
Հայ մարզիկներից առաջինը մրցաշարում մեկնարկել է մինչև 20 տարիքային խմբում 62կգ քաշային կարգում հանդես եկող Դավիթ Գասպարյանը: Պոկում վարժությունում Գասպարյանը կարողացել է գլխավերևում պահել 110 կգ ծանրածողը, մյուս երկու մոտեցումը Դավիթը ձախողել է:
Հրում վարժությունում ամեն ինչ ընթացել է նույն սցենարով: Հայ ծանրորդը կարողացել է բարձրացնել միայն 135 կգ և երկամարտի 245 արդյունքով զբաղեցրել 5-րդ տեղը:
Նշենք, որ հայ մարզիկի երկամարտի լավագույն արդյունքը եղել է 260 կգ:
Այս քաշային կարգում չեմպիոնի տիտղոսը նվաճել է ադրբեջանցի Մամադլի Մահամադը 255 կգ երկամարտի արդյունքով: