տուր
01 Հունվար 1970 - 13:09
Ավարտվել է Պրեմիեր լիգայի 19-րդ տուրի շրջանակում ընթացող «Մանչեսթեր Սիթի» – «Քրիստալ Փելաս» հանդիպման առաջին խաղակեսը: «Քաղաքաբնակները» հաղթում են 1-0 հաշվով:
26-րդ րոպեին հարձակողական ոճի կիսապաշտպան Կևին դե Բրույնեի փոխանցումից հետո գլխի հարվածով գոլի հեղինակ է դարձել պաշտպան Ջոն Սթոունզը:
Ինչպես հաղորդում է Opta վիճակագրական ռեսուրսը, այդ «ասիստը» 29-ամյա բելգիացու համար դարձել է 100-րդը «Մանչեսթեր Սիթիի» կազմում բոլոր մրցաշարերի կտրվածքով: Կիսապաշտպանի՝ մանչեսթերյան թիմում նորամուտը նշելուց ի վեր Պրեմիեր լիգայում հանդես եկող ոչ մի ֆուտբոլիստ չի կատարել ավելի շատ գոլային փոխանցում, քան Դե Բրույնեն: Վերջինս մոտակա հետապնդողից առաջ է անցել 31 արդյունավետ փոխանցումով:
Կիսապաշտպանը «Մանչեսթեր Սիթի» է տեղափոխվել 2015 թվականի օգոստոսին:
Ֆուտբոլիստը Պրեմիեր լիգայի ընթացիկ առաջնությունում մասնակցել է 15 հանդիպման՝ դառնալով 3 գոլի ու 10 «ասիստի» հեղինակ:
«Հանուն Մեսիի ավելի պակաս աշխատավարձ». Դե Բրույնեն զայրացած է