Բելգիայի հավաքականի կիսապաշտպան Կևին դե Բրույնեն խոստովանել է, որ ԵՎՐՈ 2020-ի քառորդ եզրափակիչում՝ իտալացիների դեմ հանդիպմանը, խաղադաշտ է դուրս եկել վնասվածքով։
«Ամենաշատը ցանկանում եմ շնորհակալություն հայտնել մեր բուժանձնակազմին: Հրաշք է, որ ես կարողացա մասնակցել խաղին, քանի որ կոճի լուրջ վնասվածք ունեմ: Ինձ մոտ կապանի պատռվածք է, բայց ես ինձ պատասխանատու էի զգում երկրիս համար:
Վատ է, որ ավելին չէի կարող անել»,- Դե Բրույնեի խոսքն է մեջբերում ՈՒԵՖԱ-ի պաշտոնական կայքը: