«Միլանը» հետաքրքրված է «Բրյուգեի» հարձակվող Շառլ դե Կետելարեի ծառայություններով:
La Gazzetta dello Sport հաղորդմամբ՝ 21-ամյա ֆուտբոլիստի խաղը տպավորել է միլանյան գրանդի գլխավոր մարզիչ Ստեֆանո Պիոլիին: Մասնագետը վստահ է, որ բելգիացին հիանալի կդրսևորի իրեն «10» համարի դիրքում: «Ռոսոներիները» պատրաստ են 40 մլն եվրո տրամադրել գործարքի կայացմանը:
Միևնույն ժամանակ նշվում է, որ «Բրյուգեն» մտադիր է արգելափակել ֆուտբոլիստի տեղափոխությունը: Ամենայն հավանականությամբ, բելգիական ակումբից հեռանալու է Նոա Լանգը. այդ պարագայում Դե Կետելարեի մնալը խիստ անհրաժեշտություն է կդառնա:
2021/22 մրցաշրջանում Բրյուգեի կազմում Դե Կետելարեն մասնակցել է 49 հանդիպման, խփել 18 գոլ ու կատարել 10 ասիստ: