Թուրինի «Յուվենտուսի» գլխավոր տնօրեն Մաուրիցիո Արիվաբենեն հայտարարել է, որ նիդեռլանդցի կենտրոնական պաշտպան Մատեյս դե Լիխտը ցանկանում է հեռանալ թիմից:
«Մենք վերադարձել ենք խոսելու այն խաղացողների մասին, որոնք ակումբի փոխարեն հետևում են գործակալների կամ գործընկերների խորհուրդներին:
Այսօր անհնար է պահել խաղացողին, որը ցանկանում է հեռանալ: Միշտ չէ, որ դա գումարով է պայմանավորված: Եթե մեկն ուզում է հեռանալ, դու նրան պարզապես մի՛ ասա՝ լավ, գնա:
Ֆուտբոլիստ պահելը դժվար է, բայց բանակցությունների սեղանի շուրջ բոլորը պետք է գոհ լինեն: Ով գումար ունի, հաղթում է»,- ակումբի գլխավոր տնօրենի խոսքն է մեջբերում Tuttosport-ը:
Նիդեռլանդների հավաքականի առանցքային ֆուտբոլիստի հետ բանակցություններ է վարում Լոնդոնի «Չելսին»: Դե Լիխտի պայմանագիրը «Յուվենտուսի» հետ գործում է մինչև 2024 թվականի ամառ: