«Յուվենտուսի» պաշտպան Մատեյս դե Լիխտը խոսել է «Մանչեսթեր Յունայթեդի» նոր գլխավոր մարզիչ Էրիկ տեն Հագի և Նիդեռլանդների հավաքականում իր թիմակից, «Բարսելոնայի» կիսապաշտպան Ֆրենկի դե Յոնգի մասին:
ՏԵՆ ՀԱԳԻ ՄԱՍԻՆ
«Տեն Հագն աշխատում է շատ քրտնաջան. նա իսկապես կրքոտ է իր գործում: Նա հաշվի է առնում ամենափոքր մանրուքները, ինչը նրան դարձնում է ականավոր մարզիչ: Նրա գլխավորությամբ խաղացողներն ավելի լավն են դառնում»:
ՖՐԵՆԿԻ ԴԵ ՅՈՆԳԻ ԱՊԱԳԱՅԻ ՄԱՍԻՆ
«Ֆրենկին հիանալի խաղացող է: Բոլորը գիտեն, թե որքան կարևոր է նա թիմի համար։ Ֆրենկին մեզ ոչինչ չասաց տրանսֆերի մասին»,- Դե Լիխտի խոսքն է մեջբերում բրիտանական Sky Sports-ը:
Ավելի վաղ հաղորդվում էր, որ Ֆրենկի դե Յոնգը մոտ է «Մանչեսթեր Յունայթեդ» տեղափոխվելուն: Հիշեցնենք՝ Տեն Հագը, Դե Լիխտը և Դե Յոնգը համատեղ աշխատել են «Այաքսում»: