Բաժիններ

ԼՐԱՑՈՒՑԻՉ

    • ՍՊՈՐՏ

Դեբլե, Մաիլսոն, Օտուբանջո… Իսկ ու՞ր են հայ ֆուտբոլիստները «Ոսկե խաղակոշիկի» մրցապայքարում

Դեբլե Մաիլսոն

VBET ՀՊԼ-ի հոբելյանական՝  30-րդ առաջնության աշնանային հատվածն աչքի ընկավ բարձր արդյունավետությամբ: Առաջնությունում անցկացված 79 հանդիպումներում գրանցվել է 199 գոլ (միջինը՝ 2,51 գոլ մեկ խաղում): Այդ գոլերից 25-ը խփվել է «Սևանի» մասնակցությամբ անցկացված 13 հանդիպումներում, որոնց արդյունքները չեղարկվել են:

Այնպես որ, առաջնությունում պաշտոնապես հաշվարկվող 66 հանդիպումներում գրանցվել է 174 գոլ, իսկ միջին արդյունավետությունն էլ ավելի բարձր է՝ 2,63 գոլ մեկ խաղում: Համեմատության համար նշենք, որ նախորդ առաջնության միջին արդյունավետությունը 2,13 էր:

Հարկ է նշել, որ հատկապես առաջնության մեկնարկային տուրերն աչքի ընկան գոլային հրավառությամբ: Այդ առումով առաջնության մեկնարկն իրոք ցնցող էր: 5 խաղում խփվեց 25 գնդակ, ընդ որում բոլոր հանդիպումներն էլ խոշոր հաշվով ավարտվեցին, ինչը ՀՀ առաջնություններում գրանցված յուրօրինակ ռեկորդ է:

Առաջնության մեկնարկից բավական հետաքրքիր ու անզիջում պայքար է ծավալվել լավագույն ռմբարկուի տիտղոսի համար: Մեկնարկային տուրից հետո ռմբարկուների ցանկը 3-ական գնդակով գլխավորեցին արարատցի Դոնիմանի Յակուբա Սիլուեն և «Սևանի» բրազիլացի ֆուտբոլիստ Անդրե Մենսալաոն, որոնք հեթ-տրիկի հեղինակ էին դարձել:

Screenshot 1 44 960x547 - Դեբլե, Մաիլսոն, Օտուբանջո... Իսկ ու՞ր են հայ ֆուտբոլիստները «Ոսկե խաղակոշիկի» մրցապայքարում

6-րդ տուրից հետո ռմբարկուների առաջատարն արարատցի Սերժ Դեբլեն էր, որն «Ալաշկերտի» հետ խաղում դուբլ ձևակերպելով, գոլերի թիվը հասցրեց 7-ի՝ շրջանցելով 6 գոլի հեղինակ դարձած Անդրե Մենսալաոյին: 5-ական գոլ էին խփել Դոնիմանի Յակուբա Սիլուեն և որոշ ընդմիջումից հետո կրկին «Արարատ-Արմենիա»  վերադարձած Մաիլսոն Լիման:

Ցավոք, «Ալաշկերտի» հետ խաղում Սերժ Դեբլեն հեռացվեց խաղադաշտից ու գրեթե 1,5 ամսով որակազրկվեց: Նրա բացակայության ընթացքում Մաիլսոն Լիմային հաջողվեց գոլերի թիվը հասցնել 8-ի ու շրջանցելով Դեբլեին, գլխավորել առաջնության լավագույն ռմբարկուների ցանկը:

mailson 960x896 - Դեբլե, Մաիլսոն, Օտուբանջո... Իսկ ու՞ր են հայ ֆուտբոլիստները «Ոսկե խաղակոշիկի» մրցապայքարում

Ի պատիվ Սերժ Դեբլեի, հարկադիր պարապուրդը բնավ էլ  չազդեց նրա արդյունավետության վրա: Իվուարցի ֆուտբոլիստը խաղադաշտ վերադառնալով, կրկին արդյունավետ խաղ ցուցադրեց: Առաջնության վերջին 5 հանդիպումներում խփելով 6 գնդակ, որից 3-ը՝ «Փյունիկի» դարպասը,  Դեբլեն իր գոլերի թիվը հասցրեց 14-ի ու կրկին դարձավ ռմբարկուների առաջատարը՝ շրջանցելով 12 գոլի հեղինակ դարձած Մաիլսոն Լիմային: Ճիշտ է, առաջնությունից «Սևանի» հրաժարվելուց հետո վերջինիս դարպասը խփած Դեբլեի մեկ գոլը չեղարկվել է և ռմբարկուների պայքարում նրա անվան դիմաց 13 գոլ է գրանցված:

deble 2 960x640 - Դեբլե, Մաիլսոն, Օտուբանջո... Իսկ ու՞ր են հայ ֆուտբոլիստները «Ոսկե խաղակոշիկի» մրցապայքարում

Նշենք, որ ընթացիկ առաջնության աշնանային հատվածում արդեն երկու ֆուտբոլիստ գերազանցել է նախորդ առաջնության լավագույն ռմբարկու Յուսուֆ Օտուբանջոյի ցուցանիշը: Հիշեցնենք, որ նա ընդամենը 10 գոլ էր խփել, ինչն ամենացածր ցուցանիշն էր ՀՀ առաջնությունների լավագույն ռմբարկուների մեջ:

Ինչ խոսք, ընթացիկ առաջնությունում ֆուտբոլիստների ցուցադրած արդյունավետ խաղն ուրախացնում է երկրպագուներին: Սակայն, ցավալին այն է, որ հայ ֆուտբոլիստները գործնականում չեն մասնակցում «Ոսկե խաղակոշիկի» համար մղվող պայքարին: Նրանցից ամենաարդյունավետները՝ փյունիկցի Հովհաննես Հարությունյանը, «Արարատ-Արմենիայի» կիսապաշտպան Արտյոմ Ավանեսյանը և «Նոայի» հարձակվող Ալեքսանդր Կարապետյանը 4-ական գնդակով եզրափակում են լավագույն ռմբարկուների տասնյակը:

Ընդհանրապես, նախորդ 3 առաջնություններում էլ նույնպիսի տխուր պատկերի ականատեսն ենք եղել: 2018/19թթ. առաջնության լավագույն ռմբարկուն 17 գնդակով «Լոռիի» հարձակվող Ջոնել Դեսիրեն էր, իսկ հայ ֆուտբոլիստներից Էրիկ Վարդանյանը («Փյունիկ»), Գեղամ Հարությունյանն («Գանձասար-Կապան») ու Պետրոս Ավետիսյանը («Արարատ-Արմենիա») 8-ական գնդակով ռմբարկուների ցանկում բաժանել էին 4-6-րդ տեղերը:

Հաջորդ մրցաշրջանում բարձր արդյունավետությամբ աչքի էր ընկել շիրակցի Մորի Կոնեն՝ 23 գնդակով ճանաչվելով առաջնության լավագույն ռմբարկու: Հայ ֆուտբոլիստներից ոչ մեկը տեղ չէր զբաղեցրել ռմբարկուների լավագույն տասնյակում: Փյունիկցի Արթուր Միրանյանն ու գանձասարցի Գեղամ Հարությունյանը 6-ական գնդակով բաժանել էին 14-15-րդ հորիզոնականները:

2020-21թթ. առաջնության լավագույն ռմբարկու Յուսուֆ Օտուբանջոն թեև ընդամենը 10 գոլ էր խփել, սակայն հայ ֆուտբոլիստներին կրկին չէր հաջողվել խառնվելու «Ոսկե խաղակոշիկի» համար մղվող պայքարին: Ալաշկերտցի Դավիդ Դավիդյանն ու «Նոայի» հարձակվող Պետրոս Ավետիսյանը 5-ական գնդակով բաժանել էին 7-8-րդ հորիզոնականները:

otubanjo 1 960x641 - Դեբլե, Մաիլսոն, Օտուբանջո... Իսկ ու՞ր են հայ ֆուտբոլիստները «Ոսկե խաղակոշիկի» մրցապայքարում

Հիշեցնենք, որ վերջին անգամ հայ ֆուտբոլիստն առաջնության լավագույն ռմբարկուի տիտղոսին է արժանացել 2017/18թթ. մրցաշրջանում: Մրցանակը ստացել է ալաշկերտցի Արտակ Եդիգարյանը՝ խփելով 13 գնդակ: Հետաքրքիր է, որ մինչ այդ նա նախորդ առաջնությունում էլ նույնպիսի արդյունքով իր թիմակից Միհրան Մանասյանի հետ էր դարձել լավագույն ռմբարկու: Եվ մինչև Օտուբանջոն, այդ ցուցանիշն ամենացածրն էր ՀՀ առաջնությունների լավագույն ռմբարկուների մեջ:

edig 1 960x597 - Դեբլե, Մաիլսոն, Օտուբանջո... Իսկ ու՞ր են հայ ֆուտբոլիստները «Ոսկե խաղակոշիկի» մրցապայքարում

«Ոսկե խաղակոշիկի» համար մղվող պայքարում հայ ֆուտբոլիստների բացակայության պատճառներից մեկը նրանց փոքրաթիվ քանակն է թիմերի մեկնարկային կազմում: Գաղտնիք չէ, որ առաջնության մասնակից թիմերի մեծամասնությունը խաղադաշտ է դուրս բերում ընդամենը 3-4 հայ ֆուտբոլիստի: Տարեցտարի մեր առաջնությունում աճում է լեգեոնականների թիվն ի հաշիվ հայերի և նման պայմաններում աչքի ընկնելու վերջիններիս հնարավորությունները նվազում են: Սա լուրջ խորհելու  տեղիք է տալիս և հիմնախնդիրներ է առաջացնում նաև Հայաստանի հավաքականները նոր կադրերով համալրելու հարցում:

VNews.am-ը ներկայացնում է առաջնության լավագույն ռմբարկուների ցուցանիշները:

Ֆուտբոլիստներ Գոլ Սեփ. Մրց. 11մ
1. Սերժ Դեբլե 13 8 5
2. Մաիլսոն Լիմա 12 9 3 4
3. Յուսուֆ Օտուբանջո 8 3 5
4. Ուիլֆրեդ Կուասի Էզա 7 4 3
5. Դոնիմանի Յակուբա Սիլուե 6 5 1
6. Ուգո Ֆիրմինո 6 4 2 2
7. Խոսե Կառաբալլո 5 5
8. Հովհաննես Հարությունյան 4 4
9. Ալեքսանդր Կարապետյան 4 2 2
10. Արտյոմ Ավանեսյան 4 2 2
11. Պավել Կիրիենկո 4 3 1 1

Միացի՛ր հայկական ամենասպորտային Instagram-ին:


Մեզ կարող եք հետևել նաև Telegram-ում
    • Ընթերցեք նաև

«Մխիթարյանը՝ յուրահատուկ վայրում». «Ինտերը» նոր լուսանկար է հրապարակել

  • 192

Բերնարդեսկին կարող է տեղափոխվել իսպանական գրանդ

  • 66

Մխիթարյանը ողջունել է «Ինտերի» երկրպագուներին (տեսանյութ)

  • 974

Հակիմ Զիեշը՝ իտալական գրանդի թիրախում

  • 157

Մխիթարյանը՝ «Ինտերի» ֆուտբոլիստ

  • 623

Օնանա. «Երազանքս իրականացավ»

  • 360

Երբ Գալտյեն պայմանագիր կկնքի ՊՍԺ-ի հետ

  • 124

Մխիթարյանը հրաժեշտ է տվել «Ռոմայի» երկրպագուներին (տեսանյութ)

  • 525

Անգլիայի Մ19 հավաքականը դարձավ Եվրոպայի չեմպիոն

  • 92

«Մոնցան» մտադիր է թիմ հրավիրել թոփ ֆուտբոլիստների

  • 916

«Ռոման» նոր տրանսֆեր է իրականացրել

  • 352

Երբ կմեկնարկի VBET Ուկրաինայի Պրեմիեր լիգայի նոր մրցաշրջանը

  • 140

Ինսայդ. Եվրոպական երկրի հավաքականի հարձակվողը տեղափոխվում է «Փյունիկ»

  • 2534

Լյուկ դե Յոնգն ու Ադամա Տրաորեն լքել են «Բարսելոնան»

  • 1385

«Բավարիայի» 2022/23 մրցաշրջանի արտագնա մարզաշապիկը (լուսանկար)

  • 417

Երկրպագուի յուրօրինակ դաջվածքը Մեսիի պատկերով (լուսանկար)

  • 879