Ուսման Դեմբելեն որոշել է նոր պայմանագիր չկնքել «Բարսելոնայի» հետ՝ հաղորդում է լրագրող Ժերար Ռոմերոն։
24-ամյա ֆրանսիացին ակումբին հայտնել է, որ չի պատրաստվում առաջարկվող պայմաններով պայմանագիրն ստորագրել ու մտադիր է ամռանն ազատ գործակալի կարգավիճակով հեռանալ։
Դեմբելեն իրեն համաշխարհային մակարդակի ֆուտբոլիստ է համարում ու ցանկանում է, որ աշխատավարձը համապատասխանի այդ կարգավիճակին։
«Բարսելոնան» հրաժարվել է ընդունել կիսապաշտպանի պայմաններն ու կասկածում է, որ մյուս ակումբները կընդունեն ֆուտբոլիստի պահանջները։
Ընթացիկ մրցաշրջանում Դեմբելեն Լա լիգայի 6 խաղում դարձել է 2 գոլային փոխանցման հեղինակ։