«Բարսելոնայի» տնօրեն Մատեու Ալեմանին խոսել է կիսապաշտպան Ուսման Դեմբելեի հետ պայմանագրի երկարաձգման իրավիճակի մասին՝ հայտնելով, որ ֆուտբոլիստն անհապաղ պետք է հեռանա թիմից:
«Ուսմանի ու նրա գործակալի հետ բանակցություններն սկսվել են հուլիսին: Այս ամիսների ընթացքում մենք բանակցում էինք: «Բարսան» տարբեր առաջարկներ էր կատարում, փորձում էր այնպես անել, որ համաձայնության գանք, ու ֆուտբոլիստը կարիերան շարունակի մեզ մոտ, բայց նրա գործակալն անընդհատ մերժում էր մեր առաջարկները:
Այսօր՝ հունվարի 20-ին՝ նոր պայմանագիրն ընդունելու համար սահմանված ժամկետից 11 օր առաջ, պարզ է, որ նա չի ցանկանում մնալ «Բարսելոնայում» ու հավատարիմ չէ թիմի ծրագրերին:
Մենք նրան ու նրա գործակալին ասել ենք, որ նա անհապաղ պետք է հեռանա թիմից. «Բարսելոնային» հավատարիմ խաղացողներ են պետք: Հուսով ենք՝ նրա տրանսֆերը կկայանա մինչև հունվարի 31-ը»,- կատալոնական ակումբի մամուլի ծառայությունը մեջբերում է տնօրենի խոսքը:
Mateu Alemany parla de la situació d'Ousmane Dembélé pic.twitter.com/fdfIOMq6qJ
— FC Barcelona (@FCBarcelona_cat) January 20, 2022