«Բարսելոնայի» ֆրանսիացի վինգեր Ուսման Դեմբելեն որոշել է հեռանալ թիմից՝ տեղեկացնում է Mundo Deportivo-ն: Աղբյուրի տեղեկություններով՝ խաղացողին չի բավարարել կատալոնական ակումբի՝ պայմանագիրը երկարաձգելու հերթական առաջարկը։
25-ամյա ֆուտբոլիստի պայմանագիրը գործում է մինչև հունիսի 30-ը: 2021/22 մրցաշրջանում Դեմբելեն «Բարսելոնայի» կազմում բոլոր մրցաշարերում անցկացրած 32 խաղում խփել է 2 գոլ, կատարել 13 գոլային փոխանցում։
Ավելի վաղ հաղորդվում էր, որ Դեմբելեն կտեղափոխվի Լոնդոնի «Չելսի»: