Ազգերի լիգայի խաղարկության 4-րդ տուրում Նիդեռլանդների հավաքականը տնային խաղում 3:2 հաշվով հաղթել է Ուելսին: «Նարնջագույննները» հաղթանակ են կորզել խաղի հիմնական ժամանակին ավելացված 3-րդ րոպեին: Լուի վան Գալի գլխավորած թիմի կազմում հաղթական գոլը խփել է 73-րդ րոպեին փոխարինման դուրս եկած Մեմֆիս Դեպայը:
Այս գոլը «Բարսելոնայի» հարձակվողի համար 42-րդն էր ազգային հավաքականում՝ հայտնում է Opta-ն։ Դեպայը Նիդեռլանդների ընտրանու պատմության լավագույն ռմբարկուների անվանացուցակում հավասարվեց Կլաս-Յան Հունտելարին (2-րդ տեղ): Առաջատարը Ռոբին վան Պերսին է, որն ազգային հավաքականի մարզաշապիկով 50 գոլ է խփել:
42 - Memphis Depay scored his 42nd goal for the Netherlands, equalling Klaas Jan Huntelaar in second place on the @OnsOranje all-time goal scorers list. Hunt. pic.twitter.com/wG9tIaWDuX
— OptaJohan (@OptaJohan) June 14, 2022
Նշենք՝ Նիդեռլանդների հավաքականն Ազգերի լիգայի A դիվիզիոնի 4-րդ խմբում 10 միավորով առաջատարն է: