«Բարսելոնայի» և Նիդեռլանդների ազգային հավաքականի հարձակվող Մեմֆիս Դեպայը կարող է առաջիկա տրանսֆերային պատուհանին փոխել ակումբային գրանցումը՝ հաղորդում է Superdeporte-ն։
Ըստ աղբյուրի՝ նիդեռլանդցու ծառայություններով հետաքրքրված է Լոնդոնի «Արսենալը», որն արդեն սկսել է աշխատանքներ տանել այդ ուղղությամբ։
Հաղորդվում է, որ «զինագործներն» արդեն կապ են հաստատել կատալոնական ակումբի հետ՝ 28-ամյա ֆուտբոլիստի հասանելիության մասին տեղեկություն ստանալու համար։
Դեպայի ծառայություններով հետաքրքրված են նաև «Էվերթոնն» ու «Նյուքասլը»։ Ավելի վաղ «Բարսելոնայի» պաշտոնական կայքը հայտնել էր, որ Մեմֆիսը վնասվածք է ստացել։