Անգլիայի ֆուտբոլային երկրորդ դիվիզիոնի՝ Չեմփիոնշիփի նախավերջին տեղն զբաղեցնող «Դերբի Քաունթիի» 18-ամյա ձախ պաշտպան Դիլան Ուիլյամսը տեղափոխվել է «Չելսի»։
«Անչափ երջանիկ եմ աշխարհի խոշորագույն ակումբներից մեկի հետ պայմանագիր կնքելու համար։ Շատ շնորհակալ եմ այն ամենի համար, ինչ արել են «Դերբիի» աշխատակիցներն ու խաղացողները։ Անհամբերությամբ եմ սպասում «Չելսիում» աշխատանքի մեկնարկին»,- Instagram-ում գրել է Ուիլյամսը, որը «Դերբի Քաունթիի» սան է, իսկ հիմնական թիմ է տեղափոխվել անցյալ տարվա ամռանը։
Հավելենք՝ «Չելսին» 3-րդ հորիզոնականն է զբաղեցնում Պրեմիեր լիգայում:
