ՊՍԺ-ի վինգեր Անխել դի Մարիան հրաժեշտ է տվել թիմակիցներին: Արգենտինայի հավաքականի 34-ամյա կիսապաշտպանն ինստագրամյան իր էջում լուսանկար է հրապարակել թիմակիցների հետ՝ գրելով՝ «Շնորհակալություն»։
Անխել դի Մարիան փարիզյան ակումբում է ելույթ ունենում 2015 թվականից: Այս ընթացքում արգենտինացին բոլոր մրցաշարերում մասնակցել է 298 հանդիպման, դարձել 92 գոլի և 118 գոլային փոխանցման հեղինակ:
Դի Մարիայի՝ ՊՍԺ-ի հետ գործող պայմանագրի ժամկետը կավարտվի հունիսին:
Ավելի վաղ հաղորդվում էր, որ փորձառու ֆուտբոլիստը պայմանագիր է համաձայնեցրել Թուրինի «Յուվենտուսի» հետ: