Միլանի «Ինտերը» պայմանագիր է առաջարկել Թուրինի «Յուվենտուսի» հարձակողական ոճի կիսապաշտպան Պաուլո Դիբալային՝ հայտնում է հեղինակավոր ինսայդեր Ջանլուկա դի Մարցիոն:
Իտալացու տեղեկություններով՝ միլանյան գրանդն արգենտինացուն առաջարկել է քառամյա պայմանագիր՝ տարեկան 6 միլիոն եվրո աշխատավարձով՝ չհաշված բոնուսները: Դիբալան ցանկանում է «Ինտերում» տարեկան 8 մլն եվրո վաստակել:
Արդեն հայտնի է, որ «Յուվենտուսն» ու Դիբալան չեն երկարաձգի հունիսի 30-ին ավարտվող պայմանագիրը: Ավելի վաղ Արգենտինայի հավաքականի ֆուտբոլիստը հայտնել էր, որ ցանկանում է կարիերան շարունակել Իտալիայում:
