Կիլիան Մբապեն կմնա ֆրանսիական ՊՍԺ-ում՝ տեղեկացնում է իտալացի լրագրող Ջանլուկա դի Մարցիոն:
Ինսայդերի տեղեկություններով՝ ՊՍԺ-ն այնպիսի պայմաններով համաձայնագիր է առաջարկել ֆրանսիացի հարձակվողին, որ Կիլիանն սկսել է մտածել ելույթները Փարիզում շարունակելու մասին:
Ավելի վաղ հաղորդվում էր, որ 23-ամյա ֆուտբոլիստն այս ամսվա վերջում կհայտարարի ՊՍԺ-ից հեռանալու և «Ռեալ» տեղափոխվելու մասին: Կիլիան Մբապեի՝ ՊՍԺ-ի հետ գործող պայմանագրի ժամկետը նախատեսված է մինչև հունիս: