«Յուվենտուսի» հարձակվող Պաուլո Դիբալայի գործակալ Խորխե Անտունը հանդիպել է իտալական ակումբի ղեկավարության հետ` հաղորդում է Goal-ի լրագրող Ռոմեո Ագրեստին։
Հարձակվողի ներկայացուցիչը դեռ երկու շաբաթ առաջ էր ժամանել Իտալիա, սակայն ստիպված էր եղել այս ժամանակահատվածն անցկացնել կարանտինում։
Լրագրողի հաղորդմամբ՝ «Ծեր Սինյորայի» ղեկավարությունը գործակալին հավաստիացրել է, որ ցանկանում է մեծացնել ֆուտբոլիստի նշանակությունը թիմում։
Սպասվում է, որ ակումբը կբարձրացնի ֆուտբոլիստի աշխատավարձը՝ սահմանելով տարեկան 8 մլն եվրո և բոնուսներ, որոնց շնորհիվ այդ թիվը կարող է աճել մինչև տարեկան 10 մլն եվրո։