Մարադոնայի՝ «Աստծո ձեռքով» խփած գոլի ժամանակ կրած «10» համարի մարզաշապիկն աճուրդի է հանվել: Այն գնահատվել է 4 միլիոն ֆունտ՝ հայտնում է The Guardian-ը:
Մարզաշապիկը եղել է Անգլիայի հավաքականի նախկին կիսապաշտպան Սթիվ Հոջիի մոտ վերջին 35 տարում, քանի որ ԱԱ 1986-ին Արգենտինայի և Անգլիայի միջև քառորդ եզրափակիչ հանդիպման վերջում 2 ֆուտբոլիստները փոխանակել են մարզաշապիկները:
Արգենտինան այդ խաղում Մարադոնայի դուբլի շնորհիվ հաղթել է 2:1 հաշվով: Արգենինացին գոլերից մեկը խփել է ձեռքով:
ԱԱ 1986-ում Արգենտինան դարձել է չեմպիոն:
Առցանց աճուրդը կբացվի ապրիլի 20-ին: