Անցած եռամսյակում Disney-ը ևս մեկ անգամ գերազանցեց Ուոլ Սթրիթի սպասելիքները հոսքային ծառայության վերաբերյալ՝ ավելացնելով 7․9 միլիոն բաժանորդ Disney+-ին: Վերլուծաբաններն ասում են, որ ընկերությունը կարող է «առաջատար դիրք զբաղեցնել հոսքային ծառայության ոլորտում տարվող մրցավազքում»: Այս մասին գրում է The Hollywood Reporter-ը։

Disney-ը հայտնել է 19,2 միլիարդ դոլար եկամտի մասին։

Այնուամենայնիվ, ընկերությունը 1 միլիարդ դոլարի վնաս է կրել բովանդակության լիցենզավորման վերաբերյալ պայմանագրերի վաղաժամկետ դադարեցման պատճառով, որպեսզի կարողանա օգտագործել այն իր սեփական հոսքային ծառայությունում:

Disney-ը չի բացահայտել, թե ինչ ծրագրի մասին է խոսքը, բայց, ամենայն հավանականությամբ, այն կապված է Netflix-ի հետ, ներառյալ Marvel-ի հոսքային ծառայությունների շարքը: