«Լիվերպուլից» ազատ գործակալի կարգավիճակով հեռացած Դիվոկ Օրիգին պայմանագիր է կնքել «Միլանի» հետ՝ հաղորդում է «ռոսոներիների» պաշտոնական կայքը:
27-ամյա բելգիացի կենտրոնական հարձակվողն ու իտալական ակումբը կնքել են 4 տարվա պայմանագիր, որի ժամկետը կգործի մինչև 2026 թվականի հունիսի 30-ը:
Օրիգին Բելգիայի հավաքականի ֆուտբոլիստ է, նորամուտն ընտրանու կազմում նշել է 2014 թվականին, անցկացրել է 32 խաղ, խփել 3 գոլ:
Ավարտված մրցաշրջանում ֆուտբոլիստն ակումբային մակարդակում անցկացրել է 18 խաղ, խփել է 6 գոլ, կատարել 4 գոլային փոխանցում: