«Մեծ սաղավարտի» 20-ակի չեմպիոն, աշխարհի առաջին ռակետ սերբ Նովակ Ջոկովիչը կարող է երեք տարվա ազատազրկման ենթարկվել Սերբիայում հակահամաճարակային կանոնները խախտելու համար։ Տեղեկությունը հայտնում է լրագրող Քարեն Սվինին իր թվիթերյան էջում՝ հրապարակելով համապատասխան փաստաթղթի հղումը:
Ջոկովիչն ավելի վաղ խոստովանել էր, որ գիտեր իր՝ կորոնավիրուսի դրական թեստի մասին, երբ դեկտեմբերին Բելգրադում հանդիպեց լրագրողների հետ: Սերբիայում հակահամաճարակային կանոնները խախտող անձի համար առավելագույն պատիժը երեք տարի ազատազրկումն է։ Նովակը լրագրողներին չի ասել, որ վարակված է, և առանց դիմակի ֆոտոսեսիա է անցկացրել։
Նովակ Ջոկովիչն այժմ Մելբուռնում նախապատրաստվում է Ավստրալիայի բաց առաջնությանը։
