«Ասթոն Վիլայի» կիսապաշտպան Դուգլաս Լուիսը «Միլանի» տրանսֆերային թիրախում է: Tuttomercatoweb-ի հաղորդմամբ՝ «ռոսոներիները» 24-ամյա բրազիլացուն դիտարկում են՝ որպես այլընտրանք Ռենատու Սանշեշին:
Պորտուգալացին, համաձայն մի քանի հեղինակավոր լրատվամիջոցների, նախնական պայմանագիր էր համաձայնեցրել միլանյան ակումբի հետ, սակայն մտափոխվել էր ՊՍԺ-ից ստացած առաջարկից հետո:
Դուգլաս Լուիսի ծառայություններով լրջորեն հետաքրքրված է նաև «Ռոման»:
Բրազիլացու՝ բիրմինգհեմյան ակումբի հետ պայմանագիրը նախատեսված է մինչև 2023 թվականի ամառ: 2021/22 մրցաշրջանում «Ասթոն Վիլայի» կազմում Լուիսը մասնակցել է 35 հանդիպման, խփել 2 գոլ ու կատարել 3 արդյունավետ փոխանցում: