«Յուվենտուսը» դիտարկում է «Ռեալի» վինգեր Մարկո Ասենսիոյին գնելու տարբերակը:
Ինչպես հաղորդում է Fichajes-ը, թուրինյան ակումբում իսպանացուն դիտարկում են որպես արժանի փոխարինող Պաուլո Դիբալային, ով ամռանը հեռանալու է թիմից:
Հիշեցնենք, որ Ասենսիոյի՝ «սերուցքայինների» հետ գործող համաձայնագիրը նախատեսված է մինչև 2023 թվականի հունիսի 30-ը:
Ավելի վաղ նշվում էր, որ «Միլանը» պատրաստ է 25 մլն եվրո վճարել 26-ամյա խաղացողի տեղափոխության համար:
Լա լիգայի ընթացիկ մրցաշրջանում Ասենսիոն անցկացրել է 26 հանդիպում՝ դառնալով 8 գոլի հեղինակ: