Թուրինի «Յուվենտուսի» արգենտինացի հարձակվող Պաուլո Դիբալան շարունակում է բանակցել Միլանի «Ինտերի» հետ:
Արգենտինացու՝ «ծեր սինյորայի» հետ գործող պայմանագրի ժամկետը կավարտվի ամռանը:
Ինչպես հաղորդում է La Gazzetta dello Sport-ը, Դիբալան կցանկանար որքան հնարավոր է շուտ ավարտել տեղափոխության համար սկսած բանակցությունները:
Հաղորդվում է նաև, որ «Ինտերը» ֆինանսական խնդիրների պատճառով կարող է վաճառել արգենտինացի հարձակվող Լաուտարո Մարտինեսի տրանսֆերային իրավունքները, որը վերջերս նոր պայմանագիր է կնքել ակումբի հետ։
Դիբալան միլանյան ակումբում կարող է փոխարինել իր հայրենակցին:
Դիբալայի ծառայություններով հետաքրքրված են նաև այլ ակումբներ, որոնց թվում են անգլիական «Տոտենհեմը» և կատալոնական «Բարսելոնան»:
