Թուրինի «Յուվենտուսի» արգենտինացի հարձակվող Պաուլո Դիբալան չի կարողացել զսպել արցունքներն ակումբի կազմում տնային վերջին հանդիպումից հետո։
Արգենտինացու համար վերջին տնային խաղում «Յուվենտուսը» ոչ-ոքի է խաղացել «Լացիոյի» հետ (2:2): Եզրափակիչ սուլիչի ձայնից հետո Դիբալան, հրաժեշտ տալով ֆուտբոլիստներին ու «Ալյանս» ստադիոնում հավաքված երկրպագուներին, արտասվել է:
Հիշեցնենք՝ Դիբալան «Յուվենտուսում» խաղում է 2015 թվականից։ Այս մրցաշրջանում 28-ամյա արգենտինացի ֆուտբոլիստը մասնակցել է Իտալիայի առաջնության 28 հանդիպման, որոնցում դարձել է 10 գոլի և 5 գոլային փոխանցման հեղինակ։ Պաուլոն հունիսին կդառնա ազատ գործակալ: