Թուրինի «Յուվենտուսի» հարձակվող Պաուլո Դիբալան որոշել է գալիք ամռանը տեղափոխվել Միլանի «Ինտեր»:
Calciomercato-ի հաղորդմամբ՝ արգենտինացի հարձակվողն արդեն մերժել է մի շարք թիմերի առաջարկներ՝ «ներաձուրիների» կազմը համալրելու համար:
Ավելի վաղ հաղորդվում էր, որ արգենտինացի հարձակվողը մերժել է «Յուվենտուսի»՝ պայմանագիրը երկարաձգելու առաջարկը, քանի որ նրան չեն բավարարել թուրինցիների առաջարկած ֆինանսական պայմանները: Դիբալայի՝ «Յուվենտուսի» հետ գործող պայմանագրի ժամկետը կավարտվի հունիսին:
Պաուլոն ընթացիկ մրցաշրջանում բոլոր մրցաշարերում անցկացրել է 36 հանդիպում, խփել 15 գոլ և կատարել 6 արդյունավետ փոխանցում: