Թուրինի «Յուվենտուսի» հարձակվող Պաուլո Դիբալան համաձայնել է տեղափոխվել Միլանի «Ինտեր»՝ հայտնում է La Gazzetta dello Sport-ը։
Ըստ աղբյուրի՝ միլանյան ակումբը բանակցություններ է վարել հարձակվողի ներկայացուցիչների հետ։ Արգենտինացին ամռանը 4 տարվա պայմանագիր կկնքի ակումբի հետ։
Իտալական պարբերականի փոխանցմամբ՝ թուրինյան ակումբը 28-ամյա հարձակվողին առաջարկել է պայմանագիր՝ տարեկան 6-7 միլիոն եվրո աշխատավարձով: Պաուլո Դիբալան դժգոհ է մնացել այս առաջարկից և որոշել է հեռանալ թիմից մրցաշրջանի ավարտից հետո:
Դիբալայի՝ «Յուվեի» հետ պայմանագրի ժամկետը կավարտվի հունիսին:
Ավելի վաղ հաղորդվում էր, որ Դիբալայի ծառայություններով հետաքրքրված է 7 ակումբ:
Այս մրցաշրջանում արգենտինացին անցկացրել է 35 հանդիպում՝ դառնալով 14 գոլի և 6 գոլային փոխանցման հեղինակ: Նա թուրինյան գրանդ է տեղափոխվել 2015 թվականին «Պալերմոյից»։