Ըստ իտալացի հանրահայտ լրագրող Ջանլուկա Դի Մարցիոյի՝ «Միլանի» հարձակվող Պատրիկ Կուտրոնեն չի պատժվի Իտալիայի Ա Սերիայի 22-րդ տուրի «Լացիոյի» հետ մրցավեճում (2-1) ձեռքի օգնությամբ գոլի հեղինակ դառնալու համար:
Հաղորդվում է, որ Իտալիայի ֆուտբոլի ֆեդերացիան որոշել է չորակազրկել Կուտրոնեին: Կազմակերպությունը կարծում է, որ 20-ամյա ֆուտբոլիստը ոչ միտումնավոր կերպով է ձեռքով գնդակն ուղարկել մրցակցի դարպասը:
Կուտրոնեն այս մրցաշրջանում ակումբային մակարդակով մասնակցել է 26 խաղի՝ դառնալով 10 գոլի և մեկ արդյունավետ փոխանցման հեղինակ: «Միլանն» Ա Սերիայի 22 տուրից հետո ընթանում է 7-րդ հորիզոնականում վաստակած 34 միավորով: Առաջատարը «Նապոլին» է, որի ակտիվում գրանցված է 57 միավոր:
