Հայաստանի պատանի ձյուդոիստները, պատրաստվելով Եվրոպայի գավաթի շարքի հերթական մրցաշարին, 10-օրյա ուսումնամարզական հավաք են անցկացրել մայրաքաղաքի «Օլիմպավան» մարզահանգրվանում։
Մարզաձևի հանրապետական ֆեդերացիայի հաղորդմամբ՝ նրանց մարզումները համակարգել է մեր երկրի պատանեկան հավաքականի ավագ մարզիչ Դավիթ Խաչատրյանը։
Մարզիկները պատրաստվում են մայիսի 7-8-ը Բուխարեստում կայանալիք ստուգատեսին։ Մինչև այդ թիմը կանցկացնի ևս մեկ հավաք։