Մոսկվայում ավարտին է մոտենում ծանրամարտի Եվրոպայի առաջնությունը:
109+ կգ քաշային կարգում մրցահարթակ են դուրս եկել Օլիմպիական խաղերի արծաթե մեդալակիր Գոռ Մինասյանը և աշխարհի ու Եվրոպայի երիտասարդական չեմպիոն Վարազդատ Լալայանը:
Պոկում վարժությունում Մինասյանը նվաճեց արծաթե մեդալ, իսկ Լալայանը՝ բրոնզե: Նրանք համապատասխանաբար բարձրացրին 216 կգ և 205 կգ:
Ոսկե մեդալ նվաճեց Վրաստանի ներկայացուցիչ, Օլիմպիական խաղերի չեմպիոն, աշխարհի ու Եվրոպայի քառակի չեմպիոն Լաշա Տալախաձեն՝ գլխավերևում պահած 222 կգ-ով սահմանելով նոր ռեկորդ:
Քիչ անց կմեկնարկի հրում վարժությունը: