Ռուսաստանի մայրաքաղաք Մոսկվայում ընթացքի մեջ է ծանրամարտի Եվրոպայի առաջնությունը:
Այսօր պայքարի մեջ են մտել մինչև 89 կգ քաշայինները, որտեղ Հայաստանը ներկայացնում են Անդրանիկ Կարապետյանը ու Կարեն Ավագյանը:
Պոկում վարժությունում փոքր ոսկե մեդալ նվաճեց Կարեն Ավագյանը, որը հաջորդաբար գլխավերևում պահեց 165 կգ, 170 կգ ու 175 կգ կշռող ծանրաձողերը՝ նվաճելով փոքր ոսկե մեդալ:
Անդրանիկ Կարապետյանն էլ 170 կգ արդյունքով արժանացավ փոքր բրոնզե մեդալի՝ ընդամենը մեկ կիլոգրամով զիջելով 2-րդ հորիզոնականը զբաղեցրած վրացի մարզիկին:
Քիչ անց մարզիկները կսկսեն պայքարը հրում վարժությունում:
