- Մեր հասարակությունը շատ նման է շենքի բակում նստոտած անգործ, անզբաղ կանանց․ նրան մշտապես քննարկելու թեմա է պետք, ցանկալի է՝ ուրիշի կյանքից։
- Նպատակի կարևորության աստիճանը որոշվում է ոչ թե նպատակին հասնելու, այլ հասնելուց հետո այն պահպանելու միջոցներով:
- Մարդուն սիրում ես այն ժամանակ, երբ գիտես նրա բոլոր թերությունները, բայց դա սիրելուն չի խանգարում։ Իսկ առանց ճանաչելու կարելի է միայն սիրահարվել։
- Եթե հանգամանքներն ավելի ուժեն են, քան զգացմունքները, ապա ափսոս է «սեր» բառը, որը տրվում է այդ զգացմունքներին:
- Գարնան վերջին, երբ անձրևները դադարում են, դաշտերում ու անտառապատ լեռնալանջերի բացատներում կամաց-կամաց գլուխ են բարձրացնում սպիտակ, փետրավոր թերթիկներով երիցուկները։ Նրանք լեռներում այնքան խիտ են աճում, որ հեռվից նայելիս մի պահ թվում է, թե կանաչ, սաղարթախիտ անտառի մեջտեղում մի հսկայական սառցադաշտ կա, և միայն մոտենալիս կնշմարվեն երիցուկների դեղին զամբյուղները։
- Ասում են՝ այնտեղ, որտեղ աստղ է ընկնում, երիցուկ է աճում, և որ երիցուկները փոքր արեգակներ են, որոնք իրենց ճերմակ թերթիկներով բազմաթիվ արահետներ են խաչաձևում իրար։
- Միևնույն ժամանակ բաժանումն էլ մի արվեստ է, որին քչերն են տիրապետում․․․
- Իսկ ես կարծում եմ, որ եթե սեր կա, ապա կարելի է բոլոր հարցերին լուծում տալ, այլապես սերը դադարում է հոգևոր բարձրագույն արժեք լինելուց:
- Ի՞նչը կարող է ստիպել կնոջը սեփական կամքով թակել դժողքի դռները, եթե ոչ կույր սերը․․․
- Ինչ հեշտ է մի քայլով մարդուն կործանման հասցնելն ու ինչ դժվար՝ նրան ոտքի կանգնեցնելը․․․
- Եթե սերը զոհողություններ է պահանջում, ապա մի օր էլ հենց սերը կհայտնվի զոհասեղանին։
- Չկա զգացմունքների ավելի խոսուն նկարագրություն, քան այն, ինչ կապվում է կարոտի հետ։
- Ցանկություններն իրականություն են պահանջում․ ցանկանալ, բայց չգործելը ինքնասպանության պես մի բան է։
- Պատճառներ միշտ էլ կգտնվեն․․․
- Դու այդպես էլ չես գտնի քո երիցուկները, որովհետև նրանց փնտրում ես անցյալում, իսկ անցյալում ոչինչ հնարավոր չէ գտնել։
- Զգացմունքը հագուստ չէ, որ խանութից գնես, հագնես կամ նվիրես ուրիշին․․․
- Ամեն լավ բանի հիմքում ինչ-որ մղիչ ուժ կա, որը հաճախ սեր է կոչվում։
- Փաստորեն միայն աստղագիտության մեջ է, որ Արևը մեկն է, մի հատ է, երկրի վրա արևներ շատ կան, միայն թե տեսնել է պետք, տեսնելու ցանկություն։
- Աշնանային մելամաղձոտ հիշողություններից ձերբազատվելու լավագույն միջոցը նոր ու լուսավոր հիշողություններ ստեղծելն է։
- Սիրող սիրտը ատամներով էլ կպահի իր սերը։
- Խոսքը սրտի արձագանքն է․․․
- Տղամարդիկ ավելի հակված են անձնային ու մասնագիտական աճ ունենալուն, և ընտանիք ստեղծելն իրենց կյանքի միակ հետաքրքրությունը չէ։
- Կիսով չափ դատարկ սրտում սիրո հասուն պտուղներ չեն առաջանում․․․
- Ոչ մեկին կյանքն այդքան անպետք ու անիմաստ չի թվում, որքան բաժանումից խոցված աղջկան։
- Ուզում եմ քեզ հետ ընտանիք կազմել, երջանկացնել քեզ, քեզնով երջանկանալ, քեզնից երեխաներ ունենալ ու քեզ գրկած ապրել մինչև խոր ծերություն :Այն եմ ուզում, ինչ առհասարակ ուզում է ցանկացած նորմալ մարդ:
Կարդացեք նաև՝