Transfermarkt-ը թարմացրել է ռուսական «Կրասնոդարի» և Հայաստանի ազգային հավաքականի 21-ամյա կիսապաշտպան Էդուարդ Սպերցյանի տրանսֆերային արժեքը:
Հայ ֆուտբոլիստի տրանսֆերային արժեքը 3 միլիոն եվրոյից դարձել է 6 միլիոն: 2021/2022 մրցաշրջանում Սպերցյանը «Կրասնոդարի» կազմում բոլոր մրցաշարերում մասնակցել է 27 հանդիպման, խփել 8 գոլ և կատարել 4 ասիստ:
Սպերցյանը ճանաչվել էր ռուսական թիմի ավարտված մրցաշրջանի լավագույն ֆուտբոլիստ:
Ավելի վաղ հաղորդվում էր, որ Էդուարդի ծառայություններով հետաքրքրված է Ֆրանսիայի Լիգա 1-ի 3 ակումբ՝ «Մոնակոն», «Մարսելը» և «Նիսը»:
Հարձակողական ոճի կիսապաշտպանի՝ «ցլերի» հետ պայմանագիրը գործում է մինչև 2024 թվականի ամառ:
