տուր
01 Հունվար 1970 - 12:11
«ԼՈՌԻ» – «ՆՈԱ»
4 մարտի, ժ.14:00, Վանաձոր, Ֆուտբոլի ակադեմիայի մարզադաշտ
8 խաղ, «Լոռին» հաղթել է 4 անգամ, «Նոան»՝ 3, գրանցվել է 1 ոչ-ոքի, խփած և բաց թողած գոլերի հարաբերակցությունը՝ 14-13
«Լոռի»՝ 4-րդ տեղ (20 միավոր), «Նոա»՝ 5-րդ տեղ (19 միավոր):
Հետաքրքիր 5 փաստ՝ հանդիպմանն ընդառաջ
1․ Խաղացանկի քմահաճույքով մրցակիցները 5 օրում երկու անգամ մրցավեճի կբռնվեն միմյանց հետ: Նախ նրանք Վանաձորում կմրցեն 17-րդ տուրի շրջանակում, ապա մարտի 8-ին Երևանում կանցկացնեն առաջին շրջանից հետաձգված հանդիպումը: Հետաքրքիր է, որ մինչ այդ էլ «Լոռին» հաջորդաբար երկու անընդմեջ հանդիպում էր անցկացրել «Շիրակի» և «Ալաշկերտի» հետ:
2․ Առաջնության գարնանային հատվածը «Շիրակի» նկատմամբ տոնած հաղթանակով սկսած «Լոռին» «Ալաշկերտի» հետ անցկացրած 2 խաղերում էլ պարտություն կրեց:
3․ «Նոան» առաջնության գարնանային հատվածում առայժմ միայն մեկ խաղ է անցկացրել՝ 4-0 հաշվով հաղթելով «Վանին»: Ընդ որում գոլերից 3-ը «Նոան» խփել էր 11մ հարվածներով: Առաջնության վերջին 4 հանդիպումներում «Նոան» անպարտելի է՝ վաստակելով 8 միավոր: Վերջին երկու խաղերում Վալերիո Վիմերկատիի պաշտպանած դարպասն անառիկ է մնացել:
4. Եթե մրցակիցների միջև կայացած առաջնության առաջին 3 հանդիպումներն էլ ավարտվել էին «Լոռիի» հաղթանակով, ապա հաջորդ 5 խաղերում առավելությունն արդեն «Նոայի» կողմն էր, որը հաղթել էր 3-ում, պարտվել՝ մեկում, մեկ հանդիպում էլ ավարտվել էր ոչ-ոքի: Ընդ որում «Նոայի» հետ անցկացրած վերջին 3 խաղերում «Լոռին» ընդամենը մեկ միավոր է վաստակել:
5․ Հայաստանում տրանսֆերային պատուհանի փակվելուց առաջ երկու թիմերն էլ նոր համալրումներ են ունեցել: «Լոռին» պայմանագրեր է ստորագրել սերբ եզրային հարձակվող Նիկոլա Պոպովիչի և բրազիլացի կիսապաշտպան Անդրե Մենսալաոյի հետ:
«Նոայի» համար մեծ ձեռքբերում է Պետրոս Ավետիսյանի ընդգրկումը թիմում: Վարձավճարով «Նոայում» հանդես կգա ռուս դարպասապահ Նիկոլայ Նովիկովը:
Դիմակայության լավագույն ռմբարկուները՝
«Լոռի»՝ Ջոնել Դեսիրե՝ 8 գոլ:
«Նոա»՝ Վլադիմիր Ազարով՝ 2 գոլ: