Եղիշե Ալեքսանյանն արծաթե մեդալ է նվաճել մինչև 21 տարեկան մարզիկների կարատեի Եվրոպայի առաջնությունում՝ տեղեկացնում է Հայաստանի կարատեի ազգային ֆեդերացիան։

Չեխիայում կայացած ստուգատեսում հայ մարզիկը, իր հաշվին գրանցելով 4 հաղթանակ, երկրորդ տեղն է գրավել մինչև 84 կգ քաշային կարգում։ 

Հայաստանի երիտասարդական հավաքականն առաջնությանը մասնակցել է ֆեդերացիայի նախագահ Վազգեն Հարությունյանի, գլխավոր մարզիչ Սերյոժա Մակարյանի և ավագ մարզիչ Սարգիս Հովսեփյանի ղեկավարությամբ: