Պրեմիեր լիգայի 31-րդ տուրում «Մանչեսթեր Յունայթեդը» «Օլդ Թրաֆորդում» չկարողացավ հաղթել «Լեսթերին» (1:1):
Հանդիպման 95-րդ րոպեին «կարմիր սատանաների» հարձակվող Մարկուս Ռեշֆորդը, ստանալով գնդակը, անցավ մրցակցի մի քանի ֆուտբոլիստի և երբ պատրաստվում էր հարված կատարել, ընկավ խոտածածկին:
Շատերը մտածեցին, որ անգլիացուն գցեցին մրցակցի ֆուտբոլիստները, սակայն դրվագի մեղավորը նրա երիտասարդ խաղընկեր Էնթոնի Էլանգան էր: 19-ամյա ֆուտբոլիստը նույնպես ցանկացել էր եզրափակել գրոհը, սակայն գնդակի փոխարեն հարվածել էր Ռեշֆորդի ոտքին:
Նշենք, որ «Մանչեսթեր Յունայթեդը» զբաղեցնում է ԱՊԼ-ի մրցաշարային աղյուսակի 7-րդ հորիզոնականը: