«Վիլյառեալի» գլխավոր մարզիչ Ունայ Էմերին մեկնաբանել է Չեմպիոնների լիգայի 1/4 եզրափակիչի երկխաղյա դիմակայության արդյունքում (1:0,1:1) «Բավարիայի» արգելքը հաղթահարելը:
«Ցանկալիին հասնելու համար պետք է հաղթել ֆավորիտներին: «Յուվենտուսի» նկատմամբ տարած հաղթանակը (1/8 եզրափակիչում) մեզ վստահություն բերեց: Կիսաեզրափակիչում կփորձենք պայմաններ ստեղծել, որ շանսեր ունենանք։ «Լիվերպուլը» հիանալի թիմ է, ինչպես «Բենֆիկան»: Մեզ հետաքրքիր դիմակայություն է սպասվում:
Ես շատ գոհ եմ. մենք հասնում ենք կարևոր նպատակների։ Մեծ հանդիպում էր, բայց արդեն առաջին խաղը ցույց տվեց, թե ինչպես ենք այսօր պայքարելու։
Պարզապես հիանալի խաղացինք պաշտպանությունում»,- Էմերիի խոսքն է մեջբերում ՈՒԵՖԱ-ի մամուլի ծառայությունը։
