«Վիլյառեալի» գլխավոր մարզիչ Ունայ Էմերին ամփոփել է ՈՒԵՖԱ-ի Չեմպիոնների լիգայի կիսաեզրափակիչի՝ «Լիվերպուլի» դեմ առաջին հանդիպումը (0:2)։
«Կիսաեզրափակիչում խաղում ես շատ ուժեղ մրցակիցների դեմ, որոնք հաճախ լավ մարզավիճակում են լինում, ինչպես «Լիվերպուլը»: Մենք ցանկանում էինք հաղթել, վերահսկել խաղը, բայց մրցակիցը թույլ չտվեց։ Պաշտպանվեցինք այնքան, որքան կարողացանք: Նպատակը երկրորդ խաղից առաջ եզրափակիչ դուրս գալու հնարավորությունը պահպանելն էր։
Մեր մարզադաշտում ամեն ինչ այլ է լինելու։ Մենք կփորձենք ավելի շատ խնդիրներ ստեղծել նրանց համար։ Սա «Լիվերպուլն» է՝ ուժեղ թիմ, ֆավորիտ։ Բայց մենք գիտենք, որ կարող ենք մրցել նրանց հետ: Կարծում եմ՝ հաջորդ շաբաթ մենք հնարավորություն կունենանք»,- Էմերիի խոսքն է մեջբերում ՈՒԵՖԱ-ի պաշտոնական կայքը:
Թիմերի միջև դիմակայության պատասխան հանդիպումը կկայանա մայիսի 3-ին և կլինի «Վիվառո Սպորտ»-ի ուղիղ եթերում: