Համացանցում է հայտնվել «Abandoned» առեղծվածային թրիլլերի թրեյլերը, որտեղ գլխավոր դերակատարներն են Էմմա Ռոբերթսը, Ջոն Գալահեր կրտսերը և Մայքլ Շենոնը: Այն հրապարակվել է YouTube-ի Vertical Entertainment US ալիքում։
Ֆիլմն էկրան կբարձրանա հունիսի 17-ին և կպատմի փոքրիկ երեխա ունեցող զույգի մասին, որը տեղափոխվում է ամայի տուն, որտեղ ժամանակին ողբերգություն է տեղի ունեցել: Նախկին սեփականատերերը մահացել են՝ երկուսը սպանվել են, մեկն ինքնասպան է եղել։
Զույգին չի շփոթեցնում տան մութ անցյալը, բայց շուտով պարզվում է, որ սարսափելի իրադարձությունները տան միակ գաղտնիքը չեն։ Զույգը հայտնաբերում է կողպված սենյակ ու հանդիպում է առաջին հայացքից ընկերասեր հարևանի հետ, որը ժամանակին ապրում էր այդ տանը:
Միստիկ դեպքերին զուգահեռ՝ ընտանիքը ստիպված է առերեսվել նաև սեփական դևերին։
Ֆիլմի հեղինակներն են Էրիկ Պատերսոնը և Ջեսիկա Սքոթը, ռեժիսորը Սպենսեր Սքուայրն է: