«Վալենսիան» երկարաձգել է պայմանագրի ժամկետը հարձակվող Ֆերան Տորեսի հետ, հաղորդում է ակումբի մամուլի ծառայությունը:
Նոր համաձայնագիրը նախատեսված է մինչև 2021թ. հունիսի 30-ը: Ֆուտբոլիստի հրաժարագինը կազմում է 100 մլն եվրո: Տորեսը համարվում է «Վալենսիայի» սան:
Ըստ իսպանական ԶԼՄ-ների՝ «չղջիկները» նման բարձր հրաժարագին են սահմանել, որպեսզի երիտասարդ խաղացողով հետաքրքրված ակումբները՝ «Բարսելոնան» և Մադրիդի «Ռեալը», հրաժարվեն նրան հրավիրելու մտքից:
18-ամյա հարձակվողն ընթացիկ մրցաշրջանում մասնակցել է Լա Լիգայի 7 խաղի, որոնցում աչքի չի ընկել արդյունավետ գործողություններով:
«Վալենսիան» այս պահին զբաղեցնում է մրցաշարային աղյուսակի 4-րդ հորիզոնականը՝ 5-րդ տեղում ընթացող «Վիլյառեալին» գերազանցելով 15 միավորով:
