տուր
01 Հունվար 1970 - 13:00
«Արսենալի» կիսապաշտպան Մատեո Գենդուզին Պրեմիեր լիգայի 30-րդ տուրում «Բրայթոնի» դեմ կայացած խաղի ժամանակ (1-2) անհարգալից վերաբերմունք է դրսևորել մրցակցի ֆուտբոլիստների նկատմամբ:
Ինչպես հաղորդում է Daily Mail-ը՝ հղում կատարելով իրավիճակին մոտ կանգնած աղբյուրին, 21-ամյա խաղացողն ամբողջ հանդիպման ընթացքում ծաղրել է մրցակցի ֆուտբոլիստներին: Նա, մասնավորապես, ասել է, որ «Բրայթոնի» խաղացողներն «աղբ» են:
Գենդուզին նաև նշել է, որ «Բրայթոնի» ֆուտբոլիստները երբեք չեն ստանա այնքան աշխատավարձ, ինչքան վաստակում են «Արսենալի» խաղացողները: Անձամբ Գենդուզիի շաբաթական աշխատավարձը կազմում է շուրջ 40 հազար ֆունտ:
Նշվում է, որ ֆրանսիացու կողմից առաջին անգամ չէ նկատվում նման պահվածք, և «Արսենալում» մեծ ուշադրությամբ են վերաբերվելու խաղացողի նման քայլերին:
Հաղորդվում է նաև, որ Ֆրանսիայի հավաքականի գլխավոր մարզիչ Դիդյե Դեշամն անհանգստացած է Գենդուզիի նման պահվածքի մասին տեղեկությամբ ու այդ առնչությամբ կապ է հաստատել «Արսենալի» ներկայացուցիչների հետ, որպեսզի քննարկի խնդիրը: Հայտնի է, որ Դեշամի համար շատ կարևոր է կարգապահությունը: Մասնագետը կշարունակի հետևել երիտասարդ ֆուտբոլիստի վարքագծին:
Գենդուզին դեղին քարտ է ստացել․․․ սարկազմի համար (տեսանյութ)