Միանգամից 3 ակումբ հետաքրքրված է «Ինտերի» չիլիացի կիսապաշտպան Արտուրո Վիդալի ծառայություններով՝ հաղորդում է լրագրող Նիկոլո Սկիրան։
Ըստ աղբյուրի՝ նրա տրանսֆերային իրավունքի ձեռքբերմանը հավակնում են «Ֆլամենգոն», «Բոկա Խունիորսն» ու «Էր Ռայանը»։ Վիդալի համար ավելի նախընտրելի է կարիերան Բրազիլիայում շարունակելու տարբերակը։
Վիդալն «Ինտեր» է տեղափոխվել «Բարսելոնայից» 2020 թվականին։ Ընթացիկ մրցաշրջանում չիլիացի ֆուտբոլիստը մասնակցել է Ա Սերիայի 28 հանդիպման, որոնցում խփել է 1 գոլ ու կատարել 2 գոլային փոխանցում։
2007 թվականից Վիդալը հրավիրվում է Չիլիի ազգային հավաքական։ «Ինտերն» Ա Սերիայի 2021/22 մրցաշրջանում 84 միավորով զբաղեցրեց երկրորդ տեղը: