Մյունխենի «Բավարիան» հետևում է «Բարսելոնայի» և կատալոնական թիմի կիսապաշտպան Գավիի միջև պայմանագրի երկարաձգման շուրջ բանակցությունների ընթացքին:

Գերմանական ակումբը պատրաստ է օգտվել այս իրավիճակից և ակտիվացնել 17-ամյա խաղացողի պայմանագրում նշված տրանսֆերային իրավունքները 50 միլիոն եվրոյով ձեռք բերելու կետը՝ հայտնում է Mundo Deportivo-ն:

Աղբյուրի համաձայն՝ «Լիվերպուլը» և ՊՍԺ-ն նույնպես պատրաստ են ձեռք բերել Գավիին:

Գավիի՝ «Բարսայի» հետ գործող պայմանագրի ժամկետը գործում է մինչև 2023 թվականի հունիս: