Հայաստանը ներկայացնող երեք պրոֆեսիոնալ բռնցքամարտիկ, հասնելով Չեխիայում ընթացող IBA-ի «Ա» կարգի միջազգային մրցաշարի եզրափակիչ, կվիճարկի ստուգատեսի գլխավոր մրցանակները։
Բռնցքամարտի և պրոֆեսիոնալ մարզաձևերի համահայկական ֆեդերացիան տեղեկացնում է, որ եզրափակիչներում ռինգ են դուրս գալու Արմեն Ղուշչյանը (48 կգ քաշային կարգ), Ռուդոլֆ Գարբոյանը (54 կգ) և Ժորժիկ Մարությանը (60 կգ)։
Մրցաշարում պայքարի են դուրս եկել 16 երկրի ներկայացուցիչներ:
Մեր երկիրը 7 բռնցքամարտիկ էր հայտավորել մրցաշարին։ Նրանց մրցավայր են ուղեկցել մարզիչ Գարիկ Բաղդասարյանը և ֆեդերացիայի նախագահ Գառնիկ Հարությունյանը: