Ինչպես արդեն տեղեկացրել ենք, Դանիայի հավաքականը ԵՎՐՈ 2020-ի քառորդ եզրափակիչում պարտության է մատնել չեխերին՝ նվաճելով մրցաշարի կիսաեզրափակիչի ուղեգիր:
Դանիայի հավաքականի ու «Ինտերի» կիսապաշտպան Քրիստիան Էրիկսենը, որը մրցաշարի մեկնարկում առողջական լուրջ խնդիրներ ունեցավ ու դուրս մնաց հավաքականի կազմից, La Gazzetta dello Sport-ի հաղորդմամբ, գրառում է կատարել WhatsApp-ում հավաքականի զրուցարանում՝ շնորհավորելով թիմակիցներին նվաճման կապակցությամբ:
«Հպարտանում եմ ձեզանով»,- գրել է Էրիկսենը:
Հիշեցնենք, որ ԵՎՐՈ 2020-ի խմբային փուլում Դանիայի և Ֆինլանդիայի հավաքականների միջև կայացած 1-ին տուրի հանդիպումն ընդհատվել էր Էրիկսենի՝ գիտակցությունը կորցնելու պատճառով, նրա կյանքը հաջողվել էր փրկել: Ֆուտբոլիստը հոսպիտալացվել էր, հետո Քրիստիանի վիճակը կայունացել էր:
Բժիշկները դանիացու սրտի աշխատանքի համար հատուկ սարք են տեղադրել, որի էլեկտրական իմպուլսները կապահովեն սրտամկանի կազմակերպված և կայուն կծկումներ: Կարդիոսիմուլյատոր միացվում է կաթվածի դեպքում, երբ խախտվում է սրտի աշխատանքը:
Քրիստիան Էրիկսենը հիվանդանոցից դուրս է գրվել հունիսի 18-ին:
Կիսաեզրափակիչում Դանիայի հավաքականն ուժերը կչափի անգլիացիների հետ:
Սրտի կանգից երեք շաբաթ անց Էրիկսենը դուրս է եկել հասարակական վայր (ֆոտո)
