«Բրենթֆորդի» կիսապաշտպան Քրիստիան Էրիկսենը Սերբիայի հավաքականի դեմ առաջիկա ընկերական խաղում կլինի Դանիայի հավաքականի ավագը։
Ինչպես հայտնում է Daily Mail-ը, Դանիայի հավաքականի ավագ Կասպեր Շմեյխելը ցանկացել է ավագի թևկապը հանձնել Էրիկսենին, որն անցյալ ամառ՝ ԵՎՐՈ 2020-ի խմբային փուլի առաջին տուրի՝ Ֆինլանդիայի դեմ Կոպենհագենի «Պարկեն» մարզադաշտում կայացած հանդիպման ժամանակ, սրտի կանգ էր ունեցել:
Այսպիսով՝ Էրիկսենը կկրի ավագի թևկապը նույն մարզադաշտում, որտեղ նա սրտի կանգ էր ունեցել՝ ընկնելով խոտածածկին:
Հիշեցնենք՝ 3 օր առաջ Էրիկսենն 9-ամսյա բացակայությունից հետո Նիդեռլանդների հավաքականի դեմ ընկերական մրցավեճում վերադարձավ դանիացիների կազմ՝ դառնալով գոլի հեղինակ փոխարինման դուրս գալուց 1 րոպե անց:
Դանիա - Սերբիա ընկերական հանդիպումը կմեկնարկի ժամը 20:00-ին: