«Բրենթֆորդից» ազատ գործակալի կարգավիճակով հեռացած դանիացի հարձակողական ոճի կիսապաշտպան Քրիստիան Էրիկսենը տեղափոխվում է «Մանչեսթեր Յունայթեդ»՝ հայտնում է ինսայդեր Ֆաբրիցիո Ռոմանոն:
Կողմերը բանավոր համաձայնության են հասել: «Մանչեսթեր Յունայթեդն» ու 30-ամյա ֆուտբոլիստը 3 տարվա պայմանագիր կստորագրեն:
Էրիկսենը «Բրենթֆորդի» գույները պաշտպանում էր այս տարվա հունվարից: Քրիստիանն իր մարզական կարիերայի ընթացքում խաղացել է նաև Ամստերդամի «Այաքսում», Լոնդոնի «Տոտենհեմում» և Միլանի «Ինտերում»: